Erbol Hamıtov III dárejeli «Barys» ordenin ıelendi
ASTANA. KAZINFORM — Memleket basshysy HIV Qysqy Paralımpıada oıyndaryndaǵy (Italııa) joǵary sporttyq jetistikteri úshin Erbol Hamıtovty III dárejeli «Barys» ordenimen marapattady, dep habarlaıdy Aqordanyń baspasóz qyzmeti.
Sonymen qatar Týrızm jáne sport mınıstrligine qarasty Dene múmkindikteri shekteýli tulǵalarǵa arnalǵan sporttyq daıarlaý ortalyǵynyń jattyqtyrýshylary Vasılıı Kolomıets pen Anton Jdanovıchke «Parasat» ordeni, Soltústik Qazaqstan oblysyndaǵy «Úmit» múmkindikteri shekteýli tulǵalarǵa arnalǵan sport klýbynyń jattyqtyrýshysy Aslan Toqbaevqa «Qurmet» ordeni tabystaldy.
Erbol Hamıtov álemdik dodaǵa attanar aldynda memlekettik Týdy tapsyryp, senim artqany úshin Prezıdentke alǵys aıtty.
— Osy Paralımpıada oıyndary men úshin úlken jaýapkershilik boldy. Sizdiń qoldaýyńyzben jeńiske jettik. Buǵan mamandardyń jáne bapkerlerdiń sińirgen eńbegi zor. Sizdiń qoldaýyńyz ár sportshyǵa kúsh-qýat beredi. Biz munymen toqtamaımyz, — dedi Paralımpıada chempıony.
Budan buryn Prezıdent Paralımpıadada sportshylardyń jeńiske jetýine úles qosqan azamattarǵa rızashylyǵyn bildirgenin jazǵanbyz.
