EO alǵash ret ımportqa salynatyn kómirtek bajynyń mólsherin belgiledi
ASTANA. KAZINFORM - Eýropalyq komıssııa Eýroodaqqa kómirqyshqyl gazynyń kóp kólemde bólinýimen baılanysty óndirilgen taýarlardy ımporttaýǵa salynatyn kómirtek bajynyń mólsherin belgiledi, dep habarlaıdy Kazinform Deutsche Welle-ge silteme jasap.
EO-da transshekaralyq kómirtekti retteý mehanızmi (Carbon Border Adjustment Mechanism, CBAM) aıasynda beriletin sertıfıkattardyń baǵasyn Eýropalyq komıssııa 7 sáýir, seısenbi kúni alǵash ret jarııa etti. 2026 jyldyń birinshi toqsanynda onyń quny zııandy shyǵaryndylardyń 1 tonnasy úshin 75,36 eýro nemese 87,14 dollardy quraıdy.
Eýroodaq engizgen transshekaralyq kómirtekti retteý mehanızmi — óndirisi parnıktik gazdardyń kóp kólemde bólinýimen baılanysty ımporttyq taýarlarǵa salynatyn álemdegi alǵashqy baj. Reuters túsindirýinshe, bul qatarǵa bolat, alıýmınıı jáne tsement sekildi ónimder kiredi.
Germanııanyń Qorshaǵan ortany qorǵaý jónindegi federaldyq vedomstvosynyń saıtynda kórsetilgendeı, árbir SVAM (Eýropalyq Odaqtyń kómirqyshqyl gazy (CO₂) shyǵaryndylarynyń joǵary ımporttyq taýarlarǵa kómirtek salyǵyn engizý mehanızmi — Carbon Border Adjustment Mechanism) sertıfıkaty ımporttalatyn taýarlardy óndirýge baılanysty kómirqyshqyl gazy balamasyndaǵy 1 tonna shyǵaryndylarǵa ( «sur shyǵaryndylar» deýge bolady) teń. Eger bul shyǵaryndylar úshin úshinshi elde kómirtek bajy burynnan tólengen bolsa, qosarlanǵan salyq salýdy boldyrmaý úshin qajetti SVAM sertıfıkat qysqartylýy múmkin.
Buǵan deıin Eýroodaq óz energııa óndirisin ulǵaıtý múmkindikterin qarastyryp jatqany habarlanǵan.
