Energetıka vıtse-mınıstri aýysty
ASTANA. KAZINFORM — Qaıyrhan Tutqyshbaev QR energetıka vıtse-mınıstri bolyp taǵaıyndaldy. Bul týraly Úkimettiń baspasóz qyzmeti habarlaıdy.
— Qazaqstan Respýblıkasy Úkimetiniń qaýlysymen Qaıyrhan Serikuly Tutqyshbaev energetıka vıtse-mınıstri qyzmetine taǵaıyndaldy, — delingen habarlamada.
1991 jyly Almaty qalasynda dúnıege kelgen. Q.I.Sátbaev atyndaǵy Qazaq ulttyq tehnıkalyq ýnıversıtetin bitirgen.
Eńbek jolyn 2009 jyly Almaty qalasy «Ortalyq Azııa taý-ken odaǵy» QB-da bastaǵan.
2011–2014 jyldary — «Degdar Engineering» JShS taý-ken jumysyn jáne taý-ken jabdyǵyn jobalaý bóliminiń ınjeneri.
Ár jyldary Energetıka mınıstrligi Jer qoınaýyn paıdalaný departamentiniń bas sarapshysy, basqarma basshysy, dırektory qyzmetin atqardy.
2022–2023 jyldary — QR Ekologııa, geologııa jáne tabıǵı resýrstar mınıstrligi Geologııa komıteti tóraǵasynyń orynbasary.
2023–2023 jyldary — QR Indýstrııa jáne ınfraqurylymdyq damý mınıstrligi Geologııa komıteti tóraǵasynyń orynbasary.
2023–2024 jyldary — QR Ónerkásip jáne qurylys mınıstrligi Geologııa komıteti tóraǵasynyń orynbasary.
2024 jyly — «Qazatomónerkásip» UAK» AQ sırek metaldar jáne jerde sırek kezdesetin metaldardy geologııalyq barlaý jáne damytý jónindegi basqarýshy dırektory.
2024 jyldyń qyrkúıek aıynan bastap qazirgi ýaqytqa deıin «Graphite minerals» JShS bas dırektory qyzmetin atqardy.
Osyǵan deıin Ernar Lazar QR Prezıdentiniń halyqaralyq máseleler jónindegi keńesshisi bolyp taǵaıyndalǵany belgili boldy.