Energetıka mınıstri ant berdi
ASTANA. KAZINFORM – Úkimet otyrysynda Energetıka mınıstri Erlan Aqkenjenov ant berdi.
Premer-mınıstr Oljas Bektenov otyrystyń aldynda energetıka salasyndaǵy aýys-túıisterge toqtalyp, Atom energııasy jónindegi agenttiginiń tóraǵasy bolyp taǵaıyndalǵan Almasadam Sátqalıevke jańa qyzmetinde tabys tiledi. Onyń ornyna Energetıka mınıstri bolyp taǵaıyndalǵan Erlan Aqkenjenov áriptesteriniń aldynda ant berdi.
— Qazaqstan Respýblıkasynyń halqy men Prezıdenti aldynda óz Otanym — Qazaqstan Respýblıkasynyń ekonomıkalyq jáne rýhanı damý isine barlyq kúsh-jigerim men bilimimdi jumsaýǵa, memlekettiń Konstıtýtsııasy men zańdaryn qatań saqtaýǵa, ózimniń is áreketimde zańdylyq pen ádilettilik, azamattyq, ultaralyq jáne konfessııaaralyq tatýlyq prıntsıpterin ustanýǵa, Qazaqstan halqyna adal qyzmet etýge, óz elimniń memlekettiligi men dúnıejúzilik qoǵamdastyqtaǵy bedelin nyǵaıta berýge ant etemin, — dedi Erlan Aqkenjenov.
Aıta ketelik Memleket basshysynyń Jarlyǵymen Erlan Aqkenjenov Qazaqstan Respýblıkasynyń Energetıka mınıstri laýazymyna taǵaıyndalǵan edi.