Endi moped te «nómir alady»: zańdastyrý bastaldy
ASTANA.KAZINFORM — Shymkentte elektrli mopedterdi zań talaptaryna sáıkes tirkeý jumystary kezeń-kezeńimen júzege asyp jatyr. Bul týraly Polisia.kz jazdy.
Mınıstrliktiń málimdeýinshe, osy baǵyttaǵy jumystardyń nátıjesinde qalada alǵash ret elektrli moped resmı tirkeýden ótip, memlekettik nómirge ıe boldy.
— Buǵan deıin mundaı kólik túrleri kóbine tirkeýsiz qoldanylyp kelse, endi olar da jol qozǵalysynyń qatysýshysy retinde rásimdelýde. Alǵash bolyp tirkelgen moped ıesi kólikti talapqa sáıkes rásimdep, tıisti qujattaryn zańdastyrǵan. Bul bastama joldaǵy tártipti kúsheıtip qana qoımaı, júrgizýshilerdiń jaýapkershiligin arttyrýǵa yqpal etedi, — delingen habarlamada.
Sonymen qatar tirkeý júıesi elektrli mopedterdiń qatysýymen bolatyn quqyq buzýshylyqtardyń aldyn alýǵa múmkindik beredi. Elektrli mopedti tirkeý úshin azamattar arnaıy Halyqqa qyzmet kórsetý ortalyǵyna júginip, jeke kýálik, tehnıkalyq málimetter jáne basqa da qajetti qujattardy usynýy tıis. Sondaı-aq kólik quraly tehnıkalyq tekserýden ótkizilip, memlekettik baj salyǵy tólenedi.
Polıtsııa elektrli moped ıelerin kólik quraldaryn tirkeýge jáne zań talaptaryn qatań saqtaýǵa shaqyrady.
Moped tizgindegende neni bilý qajet, polıtsııanyń eskertýin myna siltemeden oqı alasyz.
