Endi mektep ashanasyn eskertýsiz tekserýi múmkin

ASTANA. KAZINFORM — Májilis depýtaty Ashat Aımaǵambetov mektep ashanasyndaǵy qaýipsizdikti qamtamasyz etýdiń jańa formatyn usyndy. 

— Mektepterdi tekserý- jazalaý ma, álde shynaıy baqylaý ma? Sanepıd qyzmetkerleri mektepke, balabaqshaǵa kelgende ne bolady? Ashana jabyla ma, dırektorǵa aıyppul salyna ma? Qaýipsizdik qalaı? Bul suraqtar kóptegen ata-anany, muǵalimdi, tipti kásipkerlerdi de mazalaıdy. Jyldar boıy qalyptasqan júıe naqty baqylaýdan góri formaldylyqqa aınalyp ketkendeı edi. Biraq biz muny ózgertpekpiz, — dep jazdy Ashat Aımaǵambetov Telegram paraqshasynda. 

Odan ári halyq qalaýlysy jyldar boıy qordalanǵan problemalardy atady: 

— Tekseris týraly aldyn ala eskertý qajet;
— Qyzmetkerler ózimen birge ruqsat qaǵazyn jınaýy tıis;
— Aıyppul mektep dırektoryna salynady, onyń zań buzýshylyqqa tikeleı qatysy bolmasa da;
— Shynaıy baqylaý múmkin emes.

Depýtat neni ózgertpek? 

— Baqylaý «kútpegen» formatqa kóshedi, endi aldyn ala eskertý bolmaıdy;
— Bastapqy tekserýde aıyppul salynbaıdy, aldymen eskertý, keńes, usynys beriledi;
— Mektepter men lagerlerde jyl saıyn oqý jyly aldynda josparly tekseris júrgiziledi;
— Qarjylyq shyǵyndy talap etetin zań buzýshylyqtar úshin dırektor emes, ákimdik jaýapty bolady;
— Balalardyń ómirine qaýip tóngen jaǵdaıda, jedel shara qoldanylady, ıaǵnı ýaqytsha jabý, qyzmetkerdi shettetý jáne t. b.;
— Mektep ashanasy jetkizýshileriniń tizimi jasaqtalady, qyzmetine adal emes jetkizýshilerge tosqaýyl qoıylady;

— Balalardyń qaýipsizdigi — ata-ananyń ǵana emes, búkil qoǵamnyń jaýapkershiligi. Sanepıdbaqylaý — jaı tekserý emes, el bolashaǵyn — balalarymyzdy qorǵaýdyń mańyzdy quraly, — deıdi Ashat Aımaǵambetov. 

Birer kún buryn mektepter men balabaqshalarǵa jańa sanıtarlyq talaptar engiziletini týraly jazǵan edik. 

Aıta keteıik, bıyl 1 qyrkúıekten mektepterde jańa tamaqtaný standarty engiziledi.