Elordada jylý óshirile bastady

NUR-SULTAN. QazAqparat - Búgin elordada jylý óshiriledi, dep habarlaıdy QazAqparat.

Nur-Sultan qalasy ákimdigi baspasóz qyzmetiniń habarlaýynsha, áleýmettik nysandarǵa jylý berý keıinirek toqtatylady.

Budan buryn qalada qolaıly kún raıynyń ornaýyna baılanysty jylý berý 18 sáýirden bastap toqtatylatyny habarlanǵan.

«Qalanyń jylytý maýsymyna daıyndyǵy jáne ony ótkizý erejeleriniń 42-tarmaǵyna sáıkes, syrttaǵy aýanyń turaqty ortasha táýliktik temperatýrasy +10 gradýs jáne odan joǵary bolǵan jaǵdaıda Nur-Sultan qalasynyń jergilikti atqarýshy organy bes kúntizbelik kún ishinde sheshim qabyldaıdy. Besinshi kún 17 sáýirge sáıkes keletinin eskerip, jylýdy 18 sáýirden bastap óshirý týraly sheshim qabyldandy. Áleýmettik nysandar ǵana jylý berýden ajyratylmaıdy«, - delingen habarlamada.