Elordada jas aqyndar músháırasy ótedi

ASTANA. QazAqparat - Astana qalasy ákimdiginiń qoldaýymen Tilderdi damytý basqarmasy, «Rýhanııat» ortalyǵy jáne Eýrazııa ulttyq ýnıversıtetiniń qazaq ádebıeti kafedrasy birlesip 2014 jylǵy 12 qyrkúıek kúni saǵat 16.00-de «Dýman» qonaqúı kesheniniń «Parlament» konferents-zalynda Qazaqstan halqy tilderiniń HVІ qalalyq festıvali aıasynda Qazaqstan Jazýshylar odaǵynyń 80 jyldyǵyna arnalǵan «Óner aldy - qyzyl til» jas aqyndar músháırasyn ótkizedi. Bul týraly Astana ákimdiginiń baspasóz qyzmetinen habarlady.

Jyr músháırasynyń basty maqsaty - memlekettik tildiń mártebesin kóterý, jastar arasynda qazaq tiliniń qoldanys aıasyn keńeıtý jáne kópshilikke ulttyq poezııa izin jalǵar óskeleń urpaqtyń shyǵarmashylyq ónerin pash etý.

Kesh barysynda aldyn ala iriktelgen jas aqyndar patrıottyq jáne erkin taqyryptaǵy týyndylaryn oqıdy, dástúrli ánder shyrqalyp, estrada áýenderi aıtylady, qazaq kúıleri shertiledi. Músháıra keshin belgili aqyn Qalqaman Sarın júrgizedi. Sonymen qatar, músháıra qorytyndysy boıynsha jeńimpazdarǵa baǵaly syılyqtar, arnaıy júldeler men dıplomdar tapsyrylady. Jyr dodasyna Memlekettik syılyqtyń laýreaty, jazýshy Qoıshyǵara Salǵara, fılologııa ǵylymdarynyń doktory, professor Saǵymbaı Jumaǵulov, «Astana» radıosynyń redaktory, jas aqyn Erbol Alshynbaı qazylyq etedi.

Keshke Qazaqstan Jazýshylar odaǵynyń músheleri, belgili qalamgerler, ǵalymdar, jastar jáne t.b. qatysady dep kútilýde.