Elordada týrıster úshin aqparattyq QR-kodtar paıda boldy
Týrısterge arnalǵan broshıýralar qazaq, orys jáne aǵylshyn tilderinde shyǵarylǵan. Karta-shemalar men nusqaýlyqtar týrısterge qalany óz betinshe aralaýǵa jáne
elordada tıimdi ýaqyt ótkizýge kómektesedi. Ár broshıýrada kóńil kóteretin jáne tamaqtanatyn jáne kórýge turarlyq týrıstik oryndar tizimi jazylǵan.
«Sondaı-aq, saıtta taqtaıshadaǵy QR-kodty skanerleý arqyly kirýge bolatyn týrıstik nysandar kórsetilgen. Nur-Sultan qalasynyń polıtsııa departamenti ákimdikpen birlesip,
barlyq modýldik beketterde QR-kodtary bar taqtaıshalar ornatýda. QR-kodta qalanyń nysandary men kartasy týraly barlyq qajetti aqparat bar. Týrıstik polıtsııa qyzmetkerleriniń negizgi mindeti – týrıster men qonaqtardy qyzyqtyratyn suraqtar boıynsha aqparattandyrý, halyq kóp jınalatyn mádenı nysandary men kórikti jerlerde qaýipsizdikti qamtamasyz etý», - delingen mınıstrlik habarlamasynda.
Qala ákimdiginiń qoldaýymen «Báıterek», «Qazaq eli» monýmentteri, «Ǵashyqtar saıabaǵy» men EKSPO kórme ortalyǵy aýmaǵyndaǵy «týrıstik polıtsııa beketteri ornatyldy, oǵan tek sheteldikter ǵana emes, qala turǵyndary men basqa óńirlerden kelgen qonaqtar da bar.
«Kún saıyn týrıstik polıtsııa jasaǵyna shet tilderin biletin eki qyzmetker túsedi jáne olarǵa táýligine orta eseppen 25-30 ótinish túsedi. Týrısterdi kóbinese navıgatsııa, bir orynnan ekinshi orynǵa jetý joldary, qonaq úıler, qalanyń negizgi kórikti jerleri, kóshi-qon polıtsııasyna barý jáne taǵy da basqa máseleler jıi tolǵandyrady», - deıdi QR ІІM baspasóz qyzmeti.
