Elordada Táýelsizdik kúnine oraı qandaı is-sharalar ótedi
ASTANA. KAZINFORM – Astanada Táýelsizdik kúnine oraı 80-nen astam túrli merekelik jáne resmı is-sharalar, onyń ishinde dárister, kontsertter, kezdesýler, týrnırler jáne taǵy da basqa sharalar ótedi, dep habarlaıdy elorda ákimdiginiń resmı saıty.
3–10 jeltoqsan aralyǵynda qalalyq kitaphanalarda «Qalamger ustahanasy» dárister tsıkli uıymdastyrylyp jatyr.
9 jeltoqsan kúni Dostyq úıinde dinı birlestik ókilderimen dóńgelek ústel, sondaı-aq ardagerler gospıtalinde «Azat eldiń aıbyny» ashyq sabaǵy josparlanǵan.
10 jeltoqsan kúni «Jumysshy mamandyqtar» jylynyń aıasynda Astana qalasynyń №111 keleshek mektebinde oqýshylar men eńbek ardagerleri arasynda kezdesý ótedi.
10 jeltoqsan kúni «Zań men tártip» narratıvi aıasynda esirtki jarnamasyn anyqtaý jáne boıaý aktsııasy ótkiziledi.
11 jeltoqsan kúni saǵat 11:00-de Balalar jáne jasóspirimder kitaphanasynda «Táýelsizdik – tuǵyrym, Egemendik – eldigim» ıllıýstratsııalyq kórmesi, sondaı-aq mektep jáne kolledj oqýshylarymen «Qazaqstannyń asqaq rámizderi» kezdesýi uıymdastyrylady.
11 jeltoqsanda Astana qalasy QHA-nyń ǵylymı-saraptamalyq tobynyń otyrysy bolady.
11 jeltoqsan kúni «Ne? Qaıda? Qashan?» – «Táýelsizdik kúni» taqyrybyndaǵy Quiz ótedi.
11 jeltoqsan kúni «Baıqońyr» aýdany Ekonomıkalyq–quqyqtyq kolledjinde Táýelsizdik kúnine oraı «Men halqymmen maqtanamyn» taqyrybyndaǵy merekelik is-shara uıymdastyrylyp, Álmuqan Sembınov kóshesi, 23 mekenjaıynda ótedi.
Esil aýdanynda 12 jeltoqsan kúni «Tarıh tartý etken – Táýelsizdik» Quiz time uıymdastyrylyp, onyń nátıjeleri áleýmettik jelilerde jarııalanady.
12 jeltoqsan kúni «Aspan» sport kesheninde «Asyq festıvali» ótse, Esil ýnıversıtetinde merekelik kontsert pen úzdik stýdentterdi marapattaý rásimi uıymdastyrylady. Esil aýdanynda «Tarıh tartý etken – Táýelsizdik» Quiz time ótedi.
12 jeltoqsan kúni saǵat 14:00-de «Táýelsizdik muraty – tárbıeli urpaq» kýratorlyq saǵaty josparlanyp otyr.
12 jeltoqsan kúni bazarlardyń jas jumysshylary arasynda fýtbol, voleıbol jáne tennısten sporttyq sharalar uıymdastyrylady.
12 jeltoqsan kúni «Baıqońyr» aýdany «Shıpager» kolledjinde «Táýelsizdik – bul halyqtyń qaharman joly» atty merekelik baǵdarlama ótedi. Іs-shara Ilıa Chehoev kóshesi, 16/1 mekenjaıynda ótkiziledi.
Sonymen qatar №1 Óner mektebiniń uıymdastyrýymen № 8 mektep-lıtseıinde «Táýelsizdik – tumarym, Máńgilik el – turaǵym» atty merekelik is-shara ótkiziledi.
Atalǵan kúni «Baıqońyr» aýdanynda «Táýelsizdik – tuǵyrym» atty merekelik is-shara sheńberinde «Esil» ýnıversıtetinde saltanatty kontsert jáne belsendi stýdentterdi marapattaý rásimi bolady.
12–14 jeltoqsan aralyǵynda «Temirjol» sport kesheninde sport ardageri Ábdiǵapar Ábdirahmanovty eske alýǵa arnalǵan grek-rım kúresinen jasóspirimder arasyndaǵy ashyq birinshilik ótedi.
13–14 jeltoqsanda «Dáýlet» ortalyǵynda áýesqoı tennıs týrnırin tamashalaýǵa bolady.
13 jeltoqsan kúni Smaǵul Sadýaqasuly atyndaǵy №78 mektep-gımnazııasynda Táýelsizdik kúnine baılanysty mektep oqýshylar arasynda shahmat týrnıri ótedi.
13–15 jeltoqsanda «Binom» mektebinde toǵyzqumalaq týrnıri uıymdastyrylady.
14 jeltoqsan kúni «Tolqyn» sport kesheninde baıdarka men kanoe esýden OFP chempıonaty, «Ulytaý» sport kesheninde Aýǵan soǵysy ardagerleri arasynda voleıbol týrnıri ótkiziledi.
15–16 jeltoqsanda «Archer» klýbynda jebe tartýdan Astananyń ashyq kýbogy jáne Ázirbaıjan Mámbetov atyndaǵy memlekettik drama jáne komedııa teatrynda «Sáıgúlik» qoıylymy kórsetiledi.
15 jeltoqsanda Esil aýdanynda «Táýelsizdik metakórmesi» men onyń metaálemdegi tanystyrylymy, sondaı-aq «Táýelsizdik – ult rýhynyń bastaýy» kitap kórmesi ótedi.
15 jeltoqsan kúni etno-zamanaýı stıldegi shaǵyn kontsert uıymdastyrylady.
15 jeltoqsan kúni «Baıqońyr» aýdanynynda Táýelsizdik kúni aıasynda «Turan» kolledjinde «Táýelsizdik – elimniń erlik joly» atty merekelik is-shara ótkiziledi.
Jeltoqsan aıy boıy «Qamqorlyq mekenjaılary» aktsııasy aıasynda zeınetkerlerge azyq-túlik jetkizý jalǵasyp jatyr.
Buǵan deıin Astanada jastar saıasaty baǵytynda qandaı is-sharalar atqarylyp jatqanyn jazǵanbyz.