Elordada talantty stýdentter kontsert ótkizdi

ASTANA. QazAqparat – Astana qalasynyń stýdentter qaýymdastyǵy 7 mamyr - Otan qorǵaýshy kúni jáne 9 mamyr - Jeńis kúni merekesine oraı kontsert uıymdastyrdy, dep habarlaıdy QazAqparat tilshisi.

Mádenı shara elordanyń jastar saıasaty basqarmasynyń qoldaýymen ótti. Qala turǵyndary men qonaqtary úshin «Stýdentter» saıabaǵynda uıymdastyrylǵan kontsert tegin.

Uıymdastyrýshylardyń aıtýynsha, atalǵan kontserttiń ereksheligi - kópke keńinen tanymal emes, biraq talantty stýdentter óner kórsetti.

Sharany ótkizýdegi taǵy bir maqsat – ónerpazdardyń shyǵarmashylyǵyn el arasynda tanytý jáne nasıhattaý.

Sonymen qatar merekelik is-sharaǵa jastar arasynda tanymal medıa ókilderi de shaqyrylǵan.

«Bizdiń maqsat – qala turǵyndary men qonaqtaryna merekelik kóńil-kúı syılaý. Sonymen qosa jas talanattardyń shyǵarmashylyǵyn kópshilik nazaryna usyný arqyly, olarǵa qoldaý kórsetý. Sondaı-aq, kontsertke kórermenderdi keńinen tartyp, qyzyqty ótýi úshin jastarǵa keńinen tanymal tık-tokerlerdi shaqyrdyq. Sol arqyly kontsert aýdıtorııasyn ulǵaıta túsý. Taǵy bir aıta ketetin jaıt, stýdentterdiń qatysýymen ótetin kóptegen is-sharalar ýnıversıtet qabyrǵasynda, ıaǵnı tar aýqymda ótedi. Osy oraıda stýdentter qaýymdastyǵynyń qalalyq jáne respýblıkalyq deńgeıde de merekelik shara uıymdastyra alatyndyǵyna kózimiz jetti», - deıdi kontsertti uıymdastyrýshy Dastan Sembekov.

Onyń aıtýynsha, kontsert barysynda kórermender arasynda túrli oıyn, baıqaýlar ótkizilgen.

Aıta keteıik, búgin túste EKSPO alańynda ashyq aspan astynda merekelik kontsert ótkenin aıtqan edik.

Sharany Ázirbaıjan Mámbetov atyndaǵy memlekettik drama jáne komedııa teatry uıymdastyrdy.