Elordada ruqsat etilgen mıtıng ótti

NUR-SULTAN. QazAqparat – Elordadaǵy Tsırk aýmaǵynda ruqsat etilgen mıtıng ótti, dep habarlaıdy QazAqparat tilshisi.

Ruqsat etilgen mıtıngti uıymdastyrýshylardyń aıtýynsha, sharany ótkizýge «Sbermen» jasalǵan kelisim, qazaqstandyqtardyń áleýmettik jaǵdaıyn jaqsartý máseleleri sebep bolǵan.

Aktsııa kezinde uıymdastyrýshylar men qatysýshylar tarapynan, sondaı-aq ákimdik pen quqyq qorǵaý organdary tarapynan barlyq qaýipsizdik sharalary saqtaldy.

Nur-Sultan qalasynyń ákimdigi mıtıngtiń tártipke saı ótýi úshin qajetti jaǵdaılardyń bárin jasady. Jedel járdem brıgadasy men polıtsııa qyzmetkerleri aktsııa aýmaǵynda kezekshilik etti. Olar aktsııa uıymdastyrýshylarynyń jumysyna kedergi keltirmedi. Іs-shara tosyn oqıǵasyz ótti.

Aldymen uıymdastyrýshylar aktsııanyń sebebin túsindirdi. Osydan keıin qatysýshylardyń bári Qazaqstan Respýblıkasynyń Ánuranyn shyrqap, qala turǵyndary ózderin tolǵandyrǵan máselelerdi ortaǵa saldy.

Jalpy, ruqsat etilgen mıtıngke qatysýshylardyń qarasy kóp bolǵan joq.