Elordada Respýblıka kúnine oraı báıge ótedi

ASTANA. QazAqparat – Elordada Respýblıka kúnine oraı at jarysy ótedi. Bul týraly Astana qalalyq dene shynyqtyrý jáne sport basqarmasy basshysynyń orynbasary Erkeǵalı Kárbozov aıtty, dep habarlaıdy QazAqparat tilshisi.

«24-25 qazan kúnderi elordadan Qosshyǵa qaraı shyǵa beristegi Etnoaýyl ulttyq-mádenı kesheniniń aýmaǵynda «Arǵymaq» at-saýyqtyrý sport kesheniniń ashylýyna oraı at sporty boıynsha jarys uıymdastyrylady», - dedi ol ákimdikte ótken brıfıng barysynda.

Sonymen qatar ol Respýblıka kúnine oraı elordada jasóspirimder arasynda fýtboldan qalalyq ashyq týrnır, semserlesýden «Astana qylyshy» týrnıri, múmkindigi shekteýli jandar arasynda «Shoýdaýn» ústel tennısinen ashyq chempıonat ótkenin aıtty.

Brıfıngke qatysqan At sportynyń olımpıadalyq túrlerinen memlekettik jattyqtyrýshy Amanjol Hasenov báıgege elimizdiń barlyq óńirinen 70-ke jýyq shabandoz qatysatyndyǵyn aıtty. Báıge 14 jáne 20 shaqyrymdyq qashyqtyqqa ótedi.