Elordada «Máńgilik el - mártebeli til» sharasy ótýde
«Elimizdiń mádenıet jáne sport mınıstrligi uıymdastyryp otyrǵan búgingi shara ana tilimizge, qazaq jerindegi memlekettik tilge degen qurmet, qoldaý dep bilemin. Oǵan tek Almaty men Astana ǵana emes respýblıkanyń túpkir-túpkirinen qonaqtar kelýde. Olardyń barlyǵy da til janashyrlary. Bizdiń endigi maqsatymyz - memlekettik tildi jastardyń kúndelikti qoldanys tiline aınaldyrý. óıtkeni, jastarǵa qajet tildiń ómiri uzaq», - deıdi sharaǵa qatysýshy Shyǵys Qazaqstan oblystyq «Dıdar» gazeti rýhanııat bóliminiń meńgerýshisi Ǵapýra Sarsenbaıqyzy.
Іs-sharanyń negizgi maqsaty - Táýelsiz elimizdiń tutastyǵyn jáne onda turatyn ulttar men ulystardyń ózara tatýlyǵy men túsinigin nyǵaıtý, sol arqyly Qazaqstandaǵy saıası turaqtylyqty dáıekti ete túsý, ózge ult ókilderi arasynda memlekettik til saıasatyn nasıhattaý jáne memlekettik tildiń Qazaqstan halqyn biriktirýshi faktory retinde rólin arttyrý. Qazaq tiliniń qoldanylý aıasyn jetildire otyryp, memlekettik tildiń mártebesin nyǵaıtý. Memlekettik til saıasatyn nasıhattaý, memlekettik tildi nasıhattaýshylardy moraldyq jáne materıaldyq turǵydan kótermeleý.
Sharaǵa zııaly qaýym ókilderi, ortalyq atqarýshy organ ókilderi, óńirden kelgen qonaqtar, JOO-nyń, kolledjderdiń oqytýshylary, stýdentter, úkimettik emes uıymdardyń músheleri, qala turǵyndary qatysýda.
Sonymen birge shara aıasynda til janashyrlary marapattalyp, elimizge tanymal estrada juldyzdary Qaraqat Ábildına, Elmıra Jańabergenova, Dosymjan Tańatarov, Ibragım Eskendir syndy ánshiler men «Jetigen» tobynyń qatysýymen kontsert bolady.