Elordada LRT relsiniń 25 paıyzy tóseldi

ASTANA. KAZINFORM – Astanada LRT jelisiniń qurylysy jalǵasyp jatyr. Bul týraly City Transportation Systems (CTS) uıymynyń baspasóz qyzmeti habarlaıdy.

- LRT jelisi jolynyń joǵarǵy qurylysyn salý jumystary 25% aıaqtaldy. Búginde 22,4 shaqyrymdyq eki jolaqty relstiń 5,6 shaqyrymy tóseldi. Nysanǵa arnaıy tehnıkalar, ıaǵnı manevrlik tartqysh, relsti ekskavator, sorǵysy bar beton aralastyrǵysh, konsoldi kran jáne platformalar jetkizildi, - delingen habarlamada.

Qurylys barysynda shý men diril deńgeıin tómendetetin zamanaýı DTVII2-1 rels bekitý júıesi qoldanylady. Bul júıeniń artyqshylyqtary, shýdy 5–10 dB-ge deıin azaıtýǵa, joǵary tozýǵa tózimdi jáne ártúrli jaǵdaıǵa beıim.

Ótken jyly №116 jáne №117 stantsııalar arasyndaǵy estakada bóliginde alǵashqy 500 metr jol tóseldi. Bul testileý kezeńinde, jeńil relstiń qysqy aýa raıynda tózimdiligin baqylaýǵa múmkindik berdi.

Aıta ketsek, bıyl kúzde LRT testilik rejımde iske qosylady.

Sondaı-aq Astana ákimi LRT-de jol júrý baǵasy qansha bolatynyn aıtty. 

Odan bólek LRT qurylysyna baılanysty Astananyń eki jol ýchaskesinde kólik qozǵalysy shekteletinin habarlaǵan edik.