Elordada qurbandyq shalatyn oryndar belgilendi

NUR-SULTAN. QazAqparat - Bıylǵy jyly Qurban aıt meıramy 11 tamyzda bastalady. Soǵan oraı elorda ákimdigi qurbandyq shalýǵa arnalǵan oryndardy bekitti, dep habarlaıdy QazAqparat Elorda Info saıtyna silteme jasap.

Atap aıtqanda, Baıqońyr aýdanynda 4 oryn belgilengen:

«Nurbereke-555» JShS, Alash tasjoly, 30 («Kók Bazar»-dyń artynda);

Esjanova A. JK, «Jaılaý», Alash tasjoly, Ts 313 kóshesi;

«Sháýshen» sharýa qojalyǵy, «Astana-Pavlodar» trassasynyǵ 9-shaqyrymy;

«Temesh» sharýa qojalyǵy, «Nur-Sultan – Sofıevka» avtojolynyń 7-shaqyrymy.

Al elordanyń qalǵan aýdandarynda bir-bir qasapqanadan jumys isteıtin bolady: Saryarqa aýdanynda - «Uljan» ámbebap bazary (burynǵy «Saıanur» bazary), Esil aýdanynda - «Altyn-Taǵa» bazary Qosshy aýylynyń aldy, Almaty aýdanynda - «Metro» saýda úıi («Nur-Sultan-Qaraǵandy» tasjoly).

Aıta keteıik, Qazaqstan musylmandary dinı basqarmasy 2019 jyly Qurban aıt merekesi 11 tamyz kúni bastalatynyn habarlaǵan bolatyn.

«Astronomııalyq turǵydan Aıdyń týýy beısenbi kúnine, ıaǵnı 1 tamyzǵa sáıkes keledi. Al, 2 tamyz zýlhıdja aıynyń birinshi kúni bolyp sanalady. Arapa kúni 10 tamyzǵa sáıkes keledi. Arapa – qajylar Arafa jotasynda qulshylyq etetin kún. Qajylyqqa barmaǵan musylmandar úshin arapa kúni aýyz bekitý – mustahap (jaǵymdy) amal. Ábý Qatadan jetken hadıste: Arapa kúniniń orazasy ótken jáne keler jyldardyń kúnálaryna káfárat (keshirim) bolady delingen», - dedi QR musylmandary dinı basqarmasynan.

Jaǵdaıy bar musylmannyń qurban shalýy – ýəjip (mindet). Qurbandyq maly, ıaǵnı túıe, sıyr jəne qoı (eshki de) aıt namazynan keıin aıttyń úshinshi kúni kún batqanǵa deıin shalynady.

Qurbandyq etin úshke bólip taratýǵa bolady. Bir bóligi ózine qalady, ekinshi bóligi aǵaıyn-týys, kórshilerge beriledi, úshinshi bóligi kómekke muqtaj jandarǵa taratylady.

Úshkúndik Qurban aıt merekesiniń alǵashqy kúni elimizde demalys bolyp sanalady.