Elordada esirtki satýshylar ustaldy

NUR-SULTAN. QazAqparat - Elorda aýmaǵynda júrgizilgen arnaıy operatsııa barysynda qalada esirtki satýmen aınalysyp kelgen 2 adam ustaldy. Bul týraly Nur-Sultan qalalyq Polıtsııa departamentinen málim etti, dep habarlaıdy QazAqparat tilshisi.

«Esirtki zattaryn jetkizý arnalaryn jáne qylmystyq toptardyń is-áreketin joıýǵa baǵyttalǵan is-sharalar ótkizý barysynda Nur-Sultan qalasynda esirtki zatyn satý ústinde 36 jastaǵy er adam ustaldy. Onyń úıiniń aýlasyn tintý barysynda gashısh esirtkisi býyp-túıilgen 8 polıetılen shaǵyn paket, al úıinen salmaǵy 600 gramm gashısh salynǵan eki polıetılen paket tabyldy», - delingen vedomstvo aqparatynda.

Sondaı-aq, polıtsııa qyzmetkerleri saıajaı aýmaqtarynyń birinde elordaǵa esirtki jetkizýshi 50 jastaǵy qala turǵynyn ustady. Úıin tintý barysynda satýǵa daıyndaǵan jalpy salmaǵy shamamen 1 kelini quraıtyn kannabıs shaıyry salynǵan 50 sirińke qoraby tárkilendi.

Eki kúdiktiden tárkilengen esirtkiniń jalpy salmaǵy 1,5 kelini nemese 3 500 rettik doza gashıshti quraıdy.

«Atalǵan faktiler boıynsha qylmystyq is qozǵaldy. Ustalǵan kúdiktiler Nur-Sultan qalalyq Polıtsııa departamentiniń ýaqytsha oqshaýlaǵyshyna qamaldy. Tergeý júrgizilýde», - dedi departamentten.