Elordada er adamdy atyp ketti

ASTANA. KAZINFORM – Eki tanys adamnyń arasynda kıkiljiń týyndap, biri ekinshisin atyp tastaǵan. Oqys oqıǵany qalalyq polıtsııa departamenti rastady.  

– Adam ólimi faktisi boıynsha qylmystyq is qozǵaldy. Kúdikti ustalyp, qamaýǵa alyndy jáne qarýy tárkilendi. Aldyn ala málimet boıynsha, tanys adamdar arasynda janjal bolǵan. Keıin biri ekinshisiniń basyna oq atqan, - delingen habarlamada.

Qazir oqıǵanyń mán-jaıyn anyqtaý maqsatynda tergeý amaldary júrip jatyr. 

– Jalǵan aqparat taratqany úshin jaýapkershilik qarastyrylǵanyn eskertemiz. Azamattardy tek resmı derek kózine senýge shaqyramyz, - dep eskertedi elordanyń polıtsııa qyzmeti.

Eske sala ketsek, jyl basynda elordada 19 jastaǵy jigit atylyp qalǵan edi.  

Sondaı-aq týystaryn pyshaqtap tastaǵan Astana turǵyny týraly jazǵan bolatynbyz. 

Aıta keteıik, elordalyq polıtseı jattyǵý zalynan shyqqannan keıin esinen tanyp, sol jerde qaıtys boldy.