Elordada balalardy soqqyǵa jyqqan buzaqy ustaldy

ASTANA. KAZINFORM – Elordadaǵy turǵyn úılerdiń birinde balalardy soqqyǵa jyqqan jigit ustaldy.

Keshe áleýmettik jelide turǵyn úılerdiń biriniń kireberisinde er adamnyń bir balany soqqyǵa jyǵyp, ekinshisin qylqyndyrǵany beınelengen vıdeo tarady. Jelide bul oqıǵanyń «Edem palas-2» turǵyn úı kesheninde oryn alǵanyn jazýda.

Osy oqıǵaǵa baılanysty Astana qalalyq polıtsııa departamentiniń baspasóz qyzmeti buzaqynyń qolǵa túskenin málim etti.

«Baıqońyr aýdandyq polıtsııa basqarmasy atalǵan turǵyn úıdiń 30 jastaǵy turǵynyn anyqtap, ustady. Buzaqylyq babymen qylmystyq is qozǵaldy. Sotqa deıingi tergeý amaldary júrgizilip jatyr», - dep atap ótti polıtsııadan.