Elordada «Astana ınternet forýmy - 2012» respýblıkalyq forýmy ótedi
ASTANA. 30 qarasha. QazAqparat - 22-23 jeltoqsan kúnderi elordada tuńǵysh ret qazaq tilinde ótetin «Astana ınternet forýmy 2012» atty aqparattyq tehnologııa salasyndaǵy respýblıkalyq forým ótedi.
Forýmnyń maqsaty qazaqstandyq aýdıtorııaǵa arnalǵan aqparattyq tehnologııa salasyn damytyp júrgen, qazaq tilinde kontent jasaýshylar, portal jáne saıt ıeleri, aqparattyq tehnologııaǵa jańa ónim usynýshylardyń basyn qosyp, ózara tájirıbe almasa otyryp, ortaq jobalardyń paıda bolýyna yqpal etý. Qazaq tildi ınternettiń qoldaný aıasyn damytý, jańa jobalarǵa járdem berý.
Onda aqparattyq qaýipsizdik; bultty tehnologııalar; bilim salasyndaǵy ınternet; ǵalamtordaǵy aýdarmashy saıttar; qazaq tildi jobalar jáne ınternet marketıng máseleleri talqylanady. .
Oǵan Aqparattyq tehnologııa mamandary, aqparattyq tehnologııalarǵa qyzyǵýshylyq bildirgen stýdentter, muǵalimder, oqýshylar. aqparattyq tehnologııa salasyna qatysy bar kez kelgen múddeli adam qatysa alady.
Sonymen qatar forým aıasynda Internetke qatysty jańa jobalar baıqaýy da ótedi. Baıqaýǵa qatysqysy keletinder tirkelý formasynda taqyrybyn jazyp, forýmda 15 mınýttyq tanystyrylym jasaýy tıis. Qatysýshylardyń onlaın daýys berý nátıjesinde úsh jeńimpazǵa tegin saıt jasalady jáne taǵy úsh adamǵa bir jyldyq tegin hostıng beriledi.
Forým Astanadaǵy Nazarbaev zıtkerlik mektebi bazasynda ótedi. Forýmdy «Minber» QQ, «KazakhTimes» jańa tehnologııalar ortalyǵy, Astanadaǵy GeoGebra ınstıtýty uıymdastyrǵaly otyr.
Tolyq aqparatty www.ggb.kz saıtynan taba alasyz.
