Elordada apta boıy jańbyr jaýady
Bul týraly astana.kz saıtyna «Qazgıdromet» MKK habarlady.
Sınoptıkterdiń boljamynsha, aptanyń basynda kún ystyq bolady.
«Dúısenbi kúni Astanada kún ala bultty bolady, tańerteń jáne kúndiz jańbyr jaýady, kún kúrkireıdi. Ońtústik-shyǵystan soltústik-batysqa aýysyp 9-14 m/s jyldamdyqpen jel soǵady. Aýa temperatýrasy túnde +15+17°C, kúndiz +24+26°C bolady», - dep habarlady astana.kz saıtyna Qazgıdrometten.
Seısenbi kúni Astanada tańerteń jáne kúndiz ótkinshi jańbyr jaýady, kún kúrkireıdi, kóshpeli bult shyǵady. Shyǵystan 9-14 m/s jyldamdyqpen jel soǵady. Túnde aýa temperatýrasy +15+17°C, kúndiz +26+28°C bolýy yqtımal.
Aptanyń ortasynda kún ala bultty bolady, tańerteń jáne kúndiz jańbyr jaýady, kún kúrkireıdi. Shyǵystan batysqa aýysyp 9-14 m/s jyldamdyqpen jel soǵady. Túnde aýa temperatýrasy +16+18°C, kúndiz +23+25°C bolady.
Beısenbi kúni jańbyr jaýady, kún kúrkireıdi. Soltústik-batystan 9-14 m/s jyldamdyqpen jel soǵady, Túnde aýa temperatýrasy +15+17°C, kúndiz +21+23°C bolady.
Jumys aptasynyń sońǵy kúni sınoptıkterdiń boljamynsha, kóshpeli bult shyǵady, ótkinshi jańbyr jaýady, kún kúrkireıdi. Soltústik-batystan 9-14 m/s jyldamdyqpen jel soǵady. Túnde aýa temperatýrasy +13+15°C, kúndiz +21+23°C bolady.
