Elordada 250-den astam sábı shala týǵan

ASTANA. QazAqparat - Elordalyq neonatologtar úshin Izraıldiń aldyńǵy qatarly emhanalarymen strategııalyq yntymaqtastyq aıasynda «Tym az salmaqpen týǵan balalardy kútýdiń tıimdi tehnologııalary» sheberlik sabaǵy uıymdastyryldy, dep habarlaıdy QazAqparat tilshisi.

Elordanyń 30 neonatologyna ozat neonatolog maman, medıtsına ǵylymdarynyń doktory, «Shnaıder» Ulttyq balalar medıtsınalyq ortalyǵynyń ıntensıvtik terapııa bóliminiń meńgerýshisi Mıhaelıa Osovskı sabaq ótti.

«Jyl basynan beri hırýrgııa, ýrologııa, endoskopııa, shuǵyl medıtsınalyq járdem baǵyttary boıynsha 5 myńnan astam qyzmetker biliktiligin attyrdy», - deıdi Astana qalasy qoǵamdyq densaýlyqty saqtaý basqarmasynyń ana men bala bóliminiń basshysy Sáýle Muqysheva.

Astana qalalyq densaýlyq saqtaý basqarmasynyń málimetinshe, ústimizdegi jyldyń 9 aıynda 259 bala shala týǵan.

«Biz qoldanyp otyrǵan sheteldik tájirıbe men ozat tehnologııalar Qazaqstanda náresteler aýrýlarynyń aldyn alyp, shetineýin azaıtady dep senemin. Keıde, tipti arnaıy medıtsınalyq tehnıkalar men dári-dármekterdi alýǵa bólingen azyn-aýlaq ınvestıtsııa da jaǵdaıdy ońaltýǵa oń yqpal etedi», - deıdi Mıhael Osovskı.

Onyń aıtýynsha, sheteldik mamandar elordalyq dárigerlermen de tájirıbe almasqan. «Jergilikti dárigerlerdiń jumysyn kórip tań qaldym, keıbir dári-dármekter men qondyrǵylar bolmasa da, olar balalardyń ómirin saqtap qalýda», - deıdi ol.

Budan tys, «MVI» medıtsına ortalyǵynyń bas dırektory Natalıa Melehtyń aıtýynsha, Astananyń áriptesterdi oqytatyn ortalyqqa aınalatyndaı áleýeti jetkilikti.