Elorda turǵynynan iri kólemde esirtki tárkiledi
«Nur-Sultan qalasynyń Polıtsııa departamenti Esirtki qylmysyna qarsy is-qımyl basqarmasynyń qyzmetkerleri buryn sottalǵan 50 jastaǵy qala turǵynyn esirtki satqany úshin ustady. Onyń turǵylyqty mekenjaıy boıynsha asa iri kólemde geroın tabylyp, tárkilendi. Ustaý barysynda ol zattaı dáleldemeden qutylýǵa árekettendi. Osy fakti boıynsha tergep-tekserý júrgizilýde», - dedi Polıtsııa departamentinen.
Jyl basynan elordalyq polıtseıler 100 kg astam ártúrli esirtki zattaryn, onyń ishinde geroın, sıntetıkalyq esirtki tárkiledi.
«Esirtkini satý» babymen – 65, esirtkige qatysty túrli ózge de qylmystar boıynsha 345 qylmystyq is qozǵaldy.
«Aǵymdaǵy jyldyń 5 shildesinde esirtkiniń jıyntyq kestesine ózgirister engizildi. Osy ózgerister zańdy kúshine enýinen bastap Esirtki qylmysyna qarsy is-qımyl basqarmasy sıntetıkalyq esirtkimen baılanysty 58 qylmystyq is tirkedi. Sondaı-aq ınternet-keńistikti monıtorıngileý barysynda jáne azamattardyń belsendi ustanymy arqasynda sıntetıkalyq esirtki taratýmen baılanysty 100-den astam saıt anyqtaldy. Olardy buǵattaý úshin alynǵan aqparat tıisti organdarǵa joldandy. Sonymen qatar, úılerdiń qabyrǵalarynda jáne kireberisterde esirtki satylatyn oryndardy nasıhattaıtyn 200-den astam graffıtı-sýret joıyldy. Atalǵan baǵyttaǵy jumys turaqty baqylaýda», - dedi vedomstvodan.