Elorda turǵyny Esilge batyp ketti

ASTANA. KAZINFORM – Astanalyq qutqarýshylar sýǵa batqan er adamnyń denesin tapty. Bul aqparatty qalalyq Tótenshe jaǵdaılar departamenti rastady.

- Búgin patrýldeý barysynda Saryarqa aýdanynda Shyǵanaq kóshesi mańynda sýǵa batqan er adamnyń denesi tabyldy. Qutqarýshylar 1986 jyly týǵan er adamnyń denesi sýdan shyǵarylyp, medıtsınalyq kómek kórsetildi. Ókinishke qaraı, er adamdy aman alyp qalý múmkin bolmady, - delingen habarlamada.

Qazir oqys oqıǵanyń mán-jaıy anyqtalyp jatyr.

Osy oraıda Astana qalasynyń Tótenshe jaǵdaılar departamenti qala turǵyndary men qonaqtarynan sýǵa shomylý erejelerin saqtaýdy suraıdy:

- Ruqsat etilmegen jerlerde shomylmańyzdar;

- Mas kúıinde sýǵa túspeńizder;

- Balalardy qaraýsyz qaldyrmańyzdar.

- Tótenshe jaǵdaıda «112» nómirine habarlasý kerek.

Buǵan deıin habarlaǵanymyzdaı, elorda turǵyny áıelin pyshaqtap, ózi 25-qabattan sekirip ketti. Qazir oqıǵanyń mán-jaıyn polıtsııa anyqtap jatyr.