Elorda kúnine oraı Astanada asyq atýdan týrnır ótedi
ALMATY. KAZINFORM – 4 shilde kúni Astana qalasynyń Dene shynyqtyrý jáne sport basqarmasynyń uıymdastyrýymen elordanyń kórikti orny – «Ǵashyqtar» saıabaǵynda «Astana saqasy» qalalyq týrnıri ótedi, dep habarlaıdy elorda ákimdiginiń resmı saıty.
Dástúrli ulttyq oıynǵa negizdelgen bul týrnır Astana kúni merekesine arnalyp, eresekter, jastar jáne jasóspirimder arasynda ótedi.
Uıymdastyrýshylardyń aıtýynsha, jarysqa kásibı sportshylarmen qatar, qala turǵyndary men qonaqtary da erkin qatysa alady. Qatysýshylar asyq atyp qana qoımaı, láńgi teýip te sheberlikterin synaı alady.
– Bul ashyq týrnırge elorda turǵyndary men qonaqtaryn shaqyramyz. Jarys alańyna kelip, ulttyq oıynnan shynaıy lázzat alyńyzdar. Іs-shara saǵat 11:00-de bastalady. Qalalyq ákimdiktiń qoldaýymen ótip jatqan merekelik týrnır dostaryńyzben jáne otbasyńyzben jaqsy kóńil kúı syılaıtynyna senimdimiz, - deıdi Astana qalasynyń asyq atý boıynsha aǵa jattyqtyrýshysy Eskendir Rahmetov.
Sonymen qatar is-shara barysynda asyqtyń túrleri men asyq atý sport túriniń erekshelikteri tanystyrylyp, kórermenderge qyzyqty málimetter usynylady.
Osyǵan deıin Astana kúni qalaı atalyp ótetinin jazǵan edik.