Elimizge maska rejımi qaıta engizilýi múmkin be

Qazaqstandyqtar qaıta maska taǵýy múmkin be? Bul saýalǵa QR Densaýlyq saqtaý mınıstri Ajar Ǵınııat jaýap berdi, dep habarlaıdy Kazinform. 

«Koronavırýs ınfektsııasynyń taralýy jyl boıy júredi. Biz ony aı saıyn tirkep, baqylap otyrmyz. Koronavırýs juqtyrý fondyq (fonovye) aýrýlary bar adamdarǵa qıynǵa túsedi. Bul – negizinen qarttar. Odan bólek sozylmaly aýrýy bar naýqastar, ásirese tynys alý jáne júrek-qan tamyrlary dertine shaldyqqandarǵa da ońaıǵa soqpaıdy. Osy oraıda biz joǵaryda atalǵan qatardaǵy azamattardy revaktsınatsııadan ótýdi usynamyz», - dedi Ajar Ǵınııat Úkimet otyrysynan keıin ótken baspasóz máslıhatynda.

Onyń aıtýynsha, ótken jyly 350 myń azamat COVID-19 ınfektsııasyna qarsy ekpe alǵan. Sondaı-aq mınıstr «Qazaqstandyqtar qaıta maska taǵa ma?» degen saýalǵa jaýap berdi.

«Biz maska taǵýdy usynamyz. JRVI maýsymy qalaı bastalady, ıaǵnı qazan-mamyr aılary aralyǵynda bas sanıtarlyq dárigerdiń qaýlysymen maska kııý usynylady. Sonymen qatar medıtsınalyq uıymdarda da maska rejımi engiziledi. Maskaǵa qatysty taǵy bir naqtylaǵym keledi, biz tek usynamyz», - dep tolyqtyrdy vedomstvo basshysy.