Elimizdiń birneshe óńirinde úsik júredi

ASTANA. KAZINFORM – «Qazgıdromet» RMK derekteri boıynsha aldaǵy kúnderi elimizdiń birneshe óńirinde aýa raıy kúrt ózgeredi.

1 qazanda Qaraǵandy, Shyǵys Qazaqstan, Atyraý, Batys Qazaqstan jáne Qyzylorda oblystarynda túnde -2...-3°S-qa deıin úsik júredi. Jambyl, Almaty, Jetisý jáne Túrkistan oblystarynda jańbyr qarǵa ulasýy múmkin. Soltústik Qazaqstan, Qostanaı, Pavlodar, Shyǵys Qazaqstan jáne Qaraǵandy oblystarynda da qar aralas jaýyn-shashyn kútiledi.

Almaty, Túrkistan, Qostanaı, Pavlodar jáne ózge de óńirlerde jel 15–20 m/s jyldamdyqpen soǵady.

Túrkistan, Jambyl, Ulytaý, Atyraý, Batys Qazaqstan jáne Aqtóbe oblystarynda tótenshe órt qaýpi saqtalady.

Almatyda 1 qazanda qatty jańbyr jaýady. Qonaevta jel 15–20 m/s-qa deıin kúsheıedi. Tarazda aýa temperatýrasy +8...+10°S-qa deıin tómendeıdi. Shymkentte naızaǵaı oınap, jel kúsheıýi múmkin.