Elimizdiń basym bóliginde qar jaýady — Qazgıdromet

ASTANA. KAZINFORM — «Qazgıdromet» RMK 6 qarasha kúngi aýa raıy boljamyn jarııalady.  

Sınoptıkterdiń boljaýynsha, atlantıkalyq tsıklon jáne onymen baılanysty atmosferalyq frontaldy bólimderdiń ótýine baılanysty Qazaqstan aýmaǵynyń basym bóliginde qar jaýady. 

Tek elimizdiń batysynda, soltústik-batysynda, ońtústiginde antıtsıklon jotasynyń áserinen aýa raıy jaýyn-shashynsyz bolady. Al soltústikte qar aralas jańbyr jaýady.

Respýblıka boıynsha jel kúsheıip, burqasyn, tuman, kóktaıǵaq bolady.

Astana qalasynda aýa temperatýrasy -2 gradýsty kórsetedi. Ońtústik-batystan jel soǵyp, tańerteń jáne kúndiz ekpini sekýndyna 15–20 metrge deıin jetedi.

Almatyda termometr kúndiz +2°C-di kórsetip, túnde jáne tańerteń tuman bolady.

Shymkent qalasynda kún jyly, aýa temperatýrasy +6+8 gradýs. Túnde jáne tańerteń qalany tuman basady.

Eske salaıyq, Qostanaı oblysynda polıtseıler aýa raıyna baılanysty qaýipsizdik sharalaryn kúsheıtti.