Elimizde jalaqyny esepteýdiń biryńǵaı erejeleri ózgerdi
ASTANA. KAZINFORM – Eńbek mınıstrligi 2024 jylǵy 19 naýryzdaǵy buıryqpen ortasha jalaqyny esepteýdiń biryńǵaı erejelerine ózgerister engizdi.
Ózgerister jumys ýaqytynyń kólemine baılanysty ortasha jalaqyny esepteýge áser etetinin atap ótken jón.
Osylaısha, jumys ýaqytynyń kólemi qyzmetkerdiń ortasha jalaqysy, eńbekke ýaqytsha jaramsyzdyq paraǵyn tóleýden basqa, ortasha saǵattyq jalaqyny jumys ýaqytynyń ortasha táýliktik sanyna jáne jumystyń kúntizbelik kúnderiniń sanyna kóbeıtý arqyly eseptelmek.
Sondaı-aq, erejelerde jumys berýshiniń aktisinde ortasha jalaqyny esepteýdiń basqa tártibi qarastyrylýy múmkin delingen. Biraq bul qyzmetkerdiń jaǵdaıyna keri áserin tıgizbeýi kerek.
Buıryq 2024 jylǵy 12 sáýirden bastap qoldanysqa engiziledi.
