Elimizde poshtashylarǵa qoıylatyn talaptar jańartyldy

ASTANA. KAZINFORM – 2025 jylǵy 20 maýsymdaǵy Eńbek jáne halyqty áleýmettik qorǵaý mınıstriniń buıryǵymen poshta qyzmetkerleriniń qyzmettik talabyna ózgerister engizildi.

Qujatta poshta vagondarynyń jolserik-elektromonteri jumysynyń sıpattamasy berilgen:

- poshta vagonyna qyzmet kórsetý jáne ony taza kúıde ustaý;

- jylytý, sýmen jabdyqtaý, elektr jabdyǵy, jeldetkish, tońazytqysh qondyrǵylary, shań tazalaǵysh ústelderdiń úzdiksiz jumysyn qamtamasyz etý jáne aqaýdy joıý;

- poshta vagonyn reıske jiberer aldynda tehnıkalyq tekserýge qatysý;

- poshta óńdeý jáne almasý protsesine qatysý;

- korrespondentsııaǵa shtemp jasaý;

- poshta tizimin tekserý, saqtandyrý qaptaryn ashý jáne jabý, poshta qabyldaý jáne tapsyrý;

- poshta almasý kezinde jáne jolda onyń saqtalýyn qamtamasyz etý.

Sondaı-aq poshtashy jumysynyń sıpattamasy:

- poshta jóneltilimderin jáne merzimdi basylymdardy mekenjaıǵa jetkizý;

- korrespondentsııa, merzimdi basylymdar, zeınetaqy tapsyrmalary men aqshalardy alý;

- jetkizýge arnalǵan jóneltilimder men merzimdi basylymdardy suryptaý jáne daıyndaý;

- poshta jóneltilimderiniń barlyq túrin, zeınetaqyny, aqsha aýdarymdaryn, merzimdi basylymdardy, telegrammalardy mekenjaıǵa jetkizý;

- klıentterge mekenjaı, poshta qabyldaý men tapsyrý, poshta men telegraf operatsııalarynyń ýaqyty týraly túsindirý;

- mekenjaıy ózgergen azamattar týraly anyqtama jınaý jáne jetkizilmegen poshta jóneltilimderin rásimdeý;

- tirkelgen poshta jóneltilimderin tapsyrý týraly habarlamalardy rásimdeý;

- merzimdi basylymdarǵa arnalǵan jetkizý kartochkalaryn suryptaý jáne jetkizý marshrýttaryn jasaý;

- jetkizilgen tirkelgen poshta jóneltilimderi men telegrammalarǵa qujattama rásimdeý;

- turǵyndardan hattardy qabyldaý;

- poshta tólem belgilerin satý;

- poshtaǵa ilesip júrý jáne poshta almasý;

- bastapqy pýnktten poshta men merzimdi basylymdardy alý;

- jóneltilimdermen almasý jáne sońǵy pýnktke tapsyrý, onyń ishinde tıeý jáne túsirý;

abonenttik jáshikter men tirek pýnktterdiń tehnıkalyq jaǵdaıyn baqylaý, qyzmet kórsetiletin jetkizý ýchaskesiniń abattandyrylý jaı-kúıin (eldi meken ataýlary men kóshe ataýlaryn retteý, úılerdi nómirleý, kireberisterdi jaryqtandyrý jáne t.b.) qadaǵalaý jáne kemshilikterdi joıý boıynsha sharalar qabyldaý.

Poshtashy bilýi tıis:

- poshta jóneltilimderiniń túri men sanaty;

- poshta jóneltilimderiniń, merzimdi basylymdar men telegrammalardyń jetkizý tártibi;

- zeınetaqy men járdemaqyny jetkizý tártibi, sondaı-aq úıge baılanys qyzmetin usyný tártibi;

- qyzmet kórsetiletin ýchaskedegi kósheler, úıler men páterlerdiń ornalasýy;

- poshta jóneltilimderi men telegrammalardy jetkizý merzimi;

- poshta jáne telegraf qyzmetiniń tarıfteri;

- poshtaǵa ilesip júrý, almasý jáne saqtaý boıynsha nusqaýlyqtar men tártipter;

- marshrýt boıynsha kólik qozǵalysynyń kestesi;

- turǵyndardan telegrammalardy qabyldaý tártibi;

- qalalyq poshtashylar úshin tirkelgen poshta jóneltilimderi men telegrammalarǵa qujattama rásimdeý tártibi.

Biliktilik razrıadtary:

- Bir jetkizý ýchaskesin qyzmet kórsetý, ári 1–2 ýchaskedegi poshtashylardy almastyra alsa - 2-razrıad;

- Bir ýchaske jáne 3–4 ýchaskedegi poshtashylardy almastyrsa - 3-razrıad;

- Bir ýchaske jáne 5 nemese odan kóp ýchaskedegi poshtashylardy almastyrsa - 4-razrıad.

Aýyl poshtashylary úshin:

- Bir ýchaskeni qamtý, tapsyrysty poshta qabyldaý, radıotorapqa tólem alý, gazet-jýrnalǵa jazylý, 50 shaqyrymǵa deıingi marshrýtta poshtaǵa ilesip júrý jáne telegrammalardy jetkizý 2-razrıad;

- Bir ýchaske, 1–2 ýchaske boıynsha almastyrý, barlyq poshta túrin úıden qabyldaý, 50–100 shaqyrymdyq marshrýttaǵy poshta almasý, kategorııalyq telegrammalardy jetkizý, anyqtamalyq telegrammalar boıynsha mekenjaı anyqtamasy, telegrammalardy qabyldaý 3-razrıad;

- Bir ýchaske, 3 jáne odan kóp ýchaske boıynsha almastyrý, úıden qundy hattar, banderolder men sálemdemeler qabyldaý, 100 shaqyrymnan asatyn jáne qalalyq marshrýttardaǵy poshta men saqtandyrý qaptaryna ilesip júrý, úkimettik korrespondentsııany jetkizý, telegrammalardy táýlik boıy jetkizý, telegrafıst bolmaǵan jaǵdaıda ony almastyryp, telegrammalardy jóneltý 4-razrıad.

Buıryq 2025 jylǵy 29 shildede kúshine enedi. 

Aıta ketsek, bıyl qańtar-maýsym aıynda poshta men kýrerlik qyzmetten 35,4 mlrd teńge túsken.