Elimizde mopedterdi tirkeý merzimi belgilenedi

ASTANA. KAZINFORM – QR Іshki ister mınıstriniń orynbasary Igor Lepeha Qazaqstande mopedterdi tirkeý qalaı iske asyrylatynyn túsindirdi.

Búgin Májilistiń jalpy otyrysynda depýtat Aıtýar Qoshmambetov mopedterdi tirkeý rásimen qatysty suraq qoıdy. 

«Zań jobasynda qozǵaltqyshynyń kólemi 50 tekshe santımetrden az moped sııaqty kólik quraldaryn tirkeý eskerilgen. Beıresmı derekterge súıensek, bir ǵana Almatyda olardyń sany 20 myńnan kem emes. Kóptegen kýrer men kásipkerler óz qyzmetin mopedter arqyly júzege asyrady. Bir rettik tirkeý kezinde Іshki ister mınıstrligi organdary men tirkeýshi uıymdarda uzyn-sonar kezek bolmaı ma?», - dep surady depýtat.

Óz kezeginde I. Lepeha tirkeý jasaý úshin tıisdi merzim qarastyralatynyn aıtty. 

«Rasynda da, zań kúshine engenshe 60 kún ýaqyt beriledi. Degenmen 60 kúnde úlgermeýimiz múmkin, ıaǵnı dúrbeleń bolýy yqtımal. Jumys tobynyń aıasynda qolaıly merzimderdi belgileýdi talqylap jatyrmyz. Sondyqtan dúrbeleń nemese sybaılas jemqorlyqqa jol bermes úshin tıisti merzimder belgilenedi», - dedi I. Lepeha. 

Onyń aıtýynsha, mopedterdi esepke qoıýdyń reglamenti ázirlenedi. 

«Negizinen olar (mopedter) elimizge taýar retinde keledi, ıaǵnı qujattary joq. Tek kassalyq chek qana beriledi. Sondyqtan, tekserý júrgizilip, kólikti tekserý aktisi jasalady dep sheshtik. Jeke kodty anyqtaımyz. Eger kod bolmasa, ony ózimiz beremiz. Azamat memlekettik baj salyǵyn tóleıdi - 0,25 AEK. Ótinish jazyp, jeke kýáligin usynady. Osydan basqa qujat kórsetpeıdi. Sondyqtan mopedti tirkeý qymbatqa túspeıdi dep sanaımyz», - dedi ІІM mınıstriniń orynbasary.

Budan buryn habarlanǵandaı, Májiliste moped júrgizýshilerine jańa talaptar qoıatyn zań jobasy birinshi oqylymda maquldandy.