Elimizde qyzylsha aýrýynyń taralýy azaıdy

ASTANA. KAZINFORM – Qazaqstanda ınfektsııalar boıynsha epıdemıologııalyq jaǵdaı turaqty ma? Sonymen qatar, qyzylsha aýrýyn juqtyrý derekteri qanshalyqty azaıdy? Bul suraqqa QR Densaýlyq saqtaý mınıstrligi jaýap berdi.

- Jalpy elimizde epıdemıologııalyq jaǵdaı turaqty. Qyzylsha boıynsha da epıdemıologııalyq jaǵdaı turaqtanyp jatyr, - delingen mınıstrliktiń Kazinform agenttigine bergen jaýabynda.

Vedomstvo aqparatyna qaraǵanda, bıylǵy naýryz aıynda qyzylshanyń 804 jaǵdaıy tirkeldi. Bul rette osy aýrýdy eń kóp juqtyrýdyń osyǵan deıingi kezeńimen (10339 jaǵdaı) salystyrǵanda, oǵan shaldyǵý kórsetkishiniń 99 paıyzǵa tómendeýi baıqaldy.

- Osy jyldyń basynan 1 205 jaǵdaı tirkeldi, onyń ishinde 75 paıyzy vaktsına egilmegen balalar esebinen boldy, - dep atalyp ótken QR DSM Sanıtarııalyq-epıdemıologııalyq baqylaý komıteti aqparatynda.

Eske salsaq, Qazaqstanda qyzylshanyń órshýi neden bolǵany jaıynda byltyr jazǵan edik.

2024 jyldyń basynda Astanada eresekter arasynda qyzylsha juqtyrý jaǵdaıy jıiledi.

Aıta keteıik, 2023 jyly elimizde qyzylsha ınfektsııasynyń taralýyna qarsy jappaı ımmýndaý júrdi.