Elimizde geologter qansha jalaqy alady

ASTANA. KAZINFORM — Elimizde tájirıbeli geologter 1 mln teńgeden joǵary jalaqy alady. Bul týraly QR ÓQM Geologııa komıtetiniń tóraǵasy Erlan Akbarov aıtty.

— Bir ýaqyttarda elimizde geologter qatty tapshy boldy. Qazirdiń ózinde kadr tapshylyǵy baıqalady. Ásirese barlaý jumystary jandanǵan shyǵys óńirinde maman jetispeýshiligi máselesi bar. Jalpy qazir jerasty kenderin barlaý jumystary jandanyp jatyr, — dedi ol OKQ alańynda.

Onyń aıtýynsha, elimizde naqty qansha geolog maman jetispeıtini jaıly arnaıy statıstıka júrgizilmeıdi. Alaıda, byltyrǵy bir zertteýde kórsetilgendeı, Qazaqstanda jyl saıyn 2000 geologtiń qajettiligi bar. 

— Bul saladaǵy mamandardyń kóbi — aǵa býyn ókilderi. Olar kóbinde jetekshi eki-úsh kompanııada qyzmet etedi. Geologııa joǵary jalaqy tólenetin salalar qataryna jatady. Atap aıtqanda, oqýdy jańa bitirgen jas maman 300 myń teńgeden kem jalaqy almaıdy. Al, tájirıbeli geologter 1 000 000 teńgeden joǵary aılyq alady, — dedi Erlan Akbarov.

Aıta keteıik, buǵan deıin Ónerkásip jáne qurylys mınıstri Qanat Sharlapaev elimizde qandaı paıdaly qazbalar boıynsha geologııalyq barlaý júrgizý qajettigin aıtqan edi.