Elimizde erekshe balalardy qoldaýǵa arnalǵan zań ázirlenedi – quryltaı

ASTANA. KAZINFORM – Memleket basshysy jyl sońyna deıin erekshe balalarǵa jan-jaqty qoldaý kórsetetin zań ázirleýdi tapsyrdy.

- Budan bólek, árbir oblys ortalyǵynda erekshe qajettiligi bar, sonyń ishinde aýtızmge shaldyqqan balalardy ońaltý jáne damytý ortalyqtaryn qurý kerek. Ókinishke qaraı, dúnıe júzinde osyndaı dıagnozy bar balalardyń sany jyldam ósip barady, - dedi Qasym-Jomart Toqaev ulttyq quryltaıda.

Osy oraıda Prezıdent atalǵan jaǵdaıdyń Qazaqstanǵa da qatysy baryn aıtty.

- Demeýshilerdiń jáne «Qazaqstan halqyna» qorynyń kómegimen osy mańyzdy jumysta belgili bir ilgerileý bar. Úkimet pen ákimder bul sharýany jandandyrýy qajet. Qazaqstanda erekshe qajettiligi bar árbir balanyń tolyqqandy bilim alýǵa múmkindigi bolýy kerek. Bul – óte mańyzdy másele. Sondyqtan jyl sońyna deıin osyndaı balalarǵa jan-jaqty qoldaý kórsetý isin retteıtin jańa zań ázirleý kerek, - deıdi Memleket basshysy.

Sondaı-aq Qasym-Jomart Toqaev el óńirlerinde ótetin túrli mádenı-týrıstik is-sharalardy brend retinde qalyptastyrý qajettigin aıtty. 

Odan bólek, Prezıdent shekaralyq eldi mekenderdiń búgingi ahýalyna toqtaldy.