Elimizde eń tómengi jalaqyny esepteý ádistemesi ózgerýi múmkin

ASTANA. KAZINFORM – Qazaqstanda eń tómengi jalaqy jańa ádis-tásilmen eseptelýi múmkin. Bul týraly QR Kásipodaqtar federatsııasy tóraǵasynyń orynbasary Muhtar Tinikeev málim etti.

«Eger jumys berýshiler jalaqyny 7-10%-ǵa kóteremiz dese, bul shyn máninde ındeksteý, ol aılyqty kóterý degen sóz emes. Kásipodaqtar federatsııasy ındeksteýdi zańnamalyq turǵydan retteýdi talap etedi. Bul álemdik tájirıbe. Ekinshiden, eń tómengi jalaqyny esepteý ádistemesiniń bolýyn biz talap etkenbiz. Bizde eń tómengi jalaqy uzaq ýaqyt boıy 24 myń teńge, 2020 jyldan bastap 42 myń teńge, sodan keıin 60 myń teńge boldy»,- dedi Muhtar Tinikeev eńbek quqyǵy máselelerine arnalǵan dóńgelek ústel barysynda.

Spıkerdiń málimdeýinshe, elimizde eń tómengi jalaqyny esepteý ádistemesi bolǵan joq.

«Halyqaralyq eńbek uıymy maquldaǵan ındeks bar. Mysaly, Úkimet Qazaqstanda ortasha jalaqy 300 myń teńge dep málimdese, onda eń tómengi jalaqy osy somanyń 50%-y bolýy tıis. Osy oraıda bizdiń ótinishimizden keıin Úkimet eń tómengi jalaqy ádistemesin esepteýmen aınalysatyn Dúnıejúzilik bankti shaqyrdy. Meniń oıymsha, qazir bul jumys aıaqtalýǵa jaqyn jáne jaqyn arada Úkimet jańa ádisti qoǵamǵa usynady», - dep tolyqtyrdy. M. Tinikeev.

Búgin Astanada «Eńbek quqyǵynyń ózekti máseleleri. Eńbek quqyqtary jáne olardy qorǵaý: zań jáne praktıka» taqyrybynda dóńgelek ústel ótti. Sharaǵa Parlament depýtattary, ǵalymdar men sarapshylar qatysty.