Elimizde alma baǵasy ne sebepti ózgerdi

ASTANA. KAZINFORM — Premer-mınıstrdiń orynbasary — Ulttyq ekonomıka mınıstri Serik Jumanǵarın alma baǵasynyń kúrt ósýine qatysty pikir aıtty.

— Jańa jylǵa deıin Qazaqstanǵa jetkiziletin (alma) ónim ımportyna tyıym saldyq. Bul óz kezeginde alma ósiretin otandyq taýar óndirýshilerin qoldaýǵa áser etti. Olar byltyrǵy ónimin jaqsy ótkizdi. Al jańa jyldan keıin bul tyıymdy alyp tastadyq. Osydan keıin naryqta ımportpen kelgen alma kóptep paıda boldy. Byltyr otandyq taýar óndirýshilerdi qoldaýdyń arqasynda osy jyly elimizde alma alqaptary aıtarlyqtaı artady degen senimdeniz, — dedi S. Jumanǵarın Parlament Májilisinde tilshiler suraǵyna jaýap bere otyryp.

Onyń aıtýynsha, Qazaqstan ózin tolyqtaı almamen qamtamasyz etýge qaýqarly.

— Degenmen, dúken sórelerinde ártúrli alma suryptary da kerek. Sondyqtan biz ımport ónimdi de kirgizip jatyrmyz. Almanyń baǵasy ártúrli suryptarǵa qatysty ózgerip turady, — dedi vıtse-premer.

Buǵan deıin habarlanǵandaı, Serik Jumanǵarın kartop baǵasyna qatysty túsinik berdi.