Elimizde 359 laýazymdy tulǵa paramen ustaldy – Antıkor
QR Sybaılas jemqorlyqqa qarsy is-qımyl agenttigi ótken jyldan beri para bergen nemese alǵan laýazymdy tulǵalardyń sanyn atady, dep habarlaıdy Kazinform.
«Ótken jyly jáne bıyl 10 aıda elimizde (barlyq quqyq qorǵaý organdary boıynsha) sybaılas jemqorlyq qylmystyq quqyq buzýshylyq jasaǵany úshin 359 laýazymdy tulǵa QR Qylmystyq protsestik kodekstiń 128-baby boıynsha ustaldy. Sybaılas jemqorlyq áreketi boıynsha sottalǵandardyń kóbi Almaty, Astana, Shymkent qalalary jáne Túrkistan, Jambyl oblystarynda», - degen jaýap keldi Antıkordan Kazinform agenttigi joldaǵan saýalǵa.
Osy ýaqytqa deıin sybaılas jemqorlyqqa qarsy qyzmet elden zańsyz shyǵarylǵan aktıvterdi sondaı-aq qylmystyq ister arqyly keltirilgen zalaldy, ıaǵnı, jalpy somasy 857 mlrd teńgeni qaıtardy.
«Qazaqstan Respýblıkasy Konstıtýtsııasynyń jáne qylmystyq-protsestik zańnamasynyń normalaryna sáıkes, zań men sot aldynda barlyǵy teń. Qylmystyq qýdalaý organy qylmystyq quqyq buzýshylyqtardy obektıvti tergeýdi, Qylmystyq-protsestik kodeks talaptaryna qatań sáıkestikte olardy jasaǵan adamdardy áshkereleýdi jáne kúdiktilerdiń atqaratyn laýazymdaryna qaramastan, qylmystyq jaýaptylyqqa tartýdy júzege asyrady», - deıdi vedomstvodan.
