Elimizde 30 myńǵa jýyq moped tirkeldi
ASTANA. KAZINFORM — QR ІІM Zań men norma shyǵarmashylyǵyn úılestirý departamentiniń bastyǵy Renat Zulqaıyrov elimizdiń aýmaǵynda 30 myńǵa jýyq moped tirkelgenin málimdedi.
- Qazir ishki ister organdarynda 30 myńǵa jýyq moped tirkeldi. Sonymen qatar, jyl basynan beri «A1» sanatyndaǵy júrgizýshi kýáligin 2 myńnan astam adam aldy, - dedi R. Zulqaıyrov Parlament Májilisinde tilshiler suraǵyna jaýap bere otyryp.
Onyń aıtýynsha, 5 sáýirden beri ákimshilik jaýapkershilikke tartylǵan moped júrgizýshileri tirkelmegen.
Buǵan deıin bıylǵy 5 sáýirden jol erejesin buzǵan moped júrgizýshilerine jaza qatańdatylatynyn jazǵan edik.
Mopedterdi tirkeý úshin turǵylyqty jeri boıynsha mamandandyrylǵan halyqqa qyzmet kórsetý ortalyǵyna barý qajet. Jeke basyn kýálandyratyn qujat, elektrondy túrde de bolady, mopedtiń tehnıkalyq qujatyn nemese tehnıkalyq sıpattamalary týraly málimetti usyný qajet.