Elimizdiń qaı óńirlerinde kásipkerler sany kóp
«Nur-Sultan men Almaty qalalary qazaqstandyq shaǵyn jáne orta bıznes qurylymynda ilgeri tur. Olarǵa jalpy óńirlik ónim kóleminiń úshten biri, sondaı-aq ShOB-ta jumyspen qamtylǵandardyń úshten biri tıesili», - dedi mınıstr Qazaqstanda shaǵyn jáne orta kásipkerlikti damytý salasyndaǵy memlekettik saıasatty jáne quqyqtyq retteýdi jetildirý taqyrybyndaǵy Parlamenttik tyńdaýda.
Onyń aıtýynsha, 2019 jyly jalpy ishki ónimdegi ShOB úlesi 31,7 paıyzdy qurady. 2015 jyly atalǵan kórsetkish 24,9 paıyz boldy. Shaǵyn jáne orta bıznesti ósimi ekonomıkada ońtaıly ózgeristerdiń kórsetkishin qalyptastyrady.
«Bizdiń maqsat – 2025 jylǵ qaraı jalpy ishki ónimdegi ShOB úlesin 35 paıyzǵa deıin, 2050 jylǵa qaraı 50 paıyzǵa deıin jetkizý. Bul damyǵan elderdiń deńgeıine sáıkes keledi. Bızneste jumyspen qamtylǵandar jyl saıyn artyp keledi. Qazirgi kezde olardyń sany 3,5 mln adamǵa jetti», - dedi Rýslan Dálenov.
Budan buryn habarlanǵandaı, bıyl qazandaǵy jaǵdaı boıynsha shaǵyn jáne orta bıznes sany 1 mln 300 myńnan asyp tústi.
Senat Tóraǵasy pandemııadan kem degende 800 myń otandyq kásipker zardap shekkenin jetkizdi.
