Elimizde jas ǵalymdardyń úlesi 34 paıyzǵa jetti

ASTANA. QazAqparat – Ǵylymı zertteý ınstıtýttarynda basshy kadrlar «qartaıyp» jatyr. Bul týraly Májiliste ǵylymdy damytý taqyrybyndaǵy Úkimet saǵatynda Ǵylym jáne joǵary bilim mınıstri Saıasat Nurbek aıtty, dep habarlaıdy QazAqparat tilshisi.

«Búginde elimizde 22 456 ǵylymı kadr bar. Zertteýshilerdiń 37 paıyzynda (2022 jyly – 35%) ǵylymı jáne akademııalyq dárejesi bar. Sondaı-aq zertteýshilerdiń 34 paıyzyn – 35 jasqa deıingi jas ǵalymdar, 43 paıyzyn – 35-54 jastaǵylar, 23 paıyzyn 55 jastan asqan ǵalymdar qurap otyr. Alaıda ǵylymı zertteý ınstıtýttarynda basshy kadrlardyń qartaıýy baıqalyp otyr», - dedi S. Nurbek.

Onyń aıtýynsha, elimizde 414 uıym ǵylymı zertteýler men tájirıbelik-konstrýktorlyq jumystardy júzege asyryp jatyr. Memlekettik sektorǵa baǵynatyn uıymdardyń sany 26 paıyz ǵana. 43 paıyzy kásipkerlik jememenshik uıymdarǵa tıesili. Osy oraıda bıznes birtindep ǵylymı zertteý jumysyna betburys jasady.