Elimizde Tankıster kúni merekesi atalyp ótedi
Jýyrda Reseı Federatsııasynyń Alabıno poselkesindegi «Tank bıatlony» halyqaralyq jarysynda 10810 áskerı bóliminiń tank ekıpajynyń negizgi quramy: tank komandıri - aǵa leıtenant Janat Qýanyshev, nysana kózdeýshi - aǵa serjant Aıdyn Qalıoldın, júrgizýshi-mehanık - efreıtor Marat Túsipov jáne tank komandıriniń kómekshisi - serjant Mıras Nýrko ekinshi oryndy ıemdenip jeńispen oraldy. Bul tabys áskerı qyzmetshilerimzdiń kásibıliginiń artqandyǵyn jáne Qurlyq áskerlerinde jaýyngerlik daıyndyqtyń júıeli júrgizilip otyrǵandyǵyn kórsetedi.
Qurlyq áskerleriniń eń úzdik tankısteriniń qurmetine Qazaqstan Respýblıkasy Qarýly Kúshteri Qurlyq áskerleri bas qolbasshysynyń basqarmasynda jeńimpazdardy ulyqtaý rásimi ótkizildi. Tankıst-jaýyngerlerdiń joǵary jetistikteri men sheberlikterin joǵary baǵalaǵan QR QK Qurlyq áskerleriniń bas qolbasshysy áskerı qyzmetshilerdi qurmet gramotalarymen jáne baǵaly syılyqtarmen marapattady.
Bul ataýly kúndi «Qazaqstan ınjınırıng» ulttyq kompanııasy da nazardan tys qaldyrmaıdy. Kompanııa basshylyǵy Qarýly Kúshterdiń brondy tehnıkasy men tankilerin jetildirip, jóndeý jumystaryn jaýapkershilikpen atqaryp júrgen jumysshylardy táýelsiz Qazaqstannyń qorǵanys isine qosqan úlesteri úshin ulyqtap, qurmet kórsetedi.