Elimizde taǵy 7 ýchaskede jol ashyldy
NUR-SULTAN. QazAqparat - Aýa raıynyń qolaısyzdyǵyna baılanysty 18 ýchaskede jol jabyq, dep habarlaıdy QazAqparat «QazAvtoJol» UK» AQ baspasóz qyzmetine silteme jasap.
Eske sala keteıik, biz buǵan deıin 21 ýchaskede jol ashylǵanyn habarlaǵan bolatynbyz.
Qazirgi ýaqytta onymen qosa taǵy 7 ýchaskede kólik júrýine ruqsat berildi:
1. «Makınsk-Aqsý-Torǵaı», 130-240 shaqyrymy (Bestóbe- Torǵaı)
2. «Óskemen -Shemonaıha- RF shekarasy», 36-102 shaqyrymy (Predgornoe- Shemonaıha)
3. «Jezqazǵan-Petropavl», 136-252 shaqyrymy (Ulytaý – Qostanaı oblysy)
4. «Qyzylorda-Pavlodar», 1066-1135 shaqyrymy (Molodejnyı – Pavlodar oblysy)
5. «Ýlıanovsk-Kerneı-Úmitker-Baıanaýyl-Qalqaman», 231-324 shaqyrymy (Botaqara- Pavlodar oblysy)
6. «Jezqazǵan-Petropavl», 252-340 shaqyrymy (Qaraǵandy oblysy – Arqalyq)
7. «Ýlıanovsk - Kerneı-Úmitker-Baıanaýl-Qalqaman», 0-231 shaqyrymy (Qalqaman-Qaraǵandy oblysy).
Qazirgi ýaqytta uzyndyǵy 1983 shaqyrym bolatyn 18 ýchaskede kólik qozǵalysyna shekteý qoıylǵan. Bul - elimizdegi respýblıkalyq mańyzy bar joldardyń 7,9 paıyzy.
Jalpy, jol qozǵalysy 6 oblysta ýaqytsha toqtatylǵan. Onyń ishinde eń kóbi - Aqmola oblysyna tıesili. Kólik qozǵalysyna shekteý qoıylǵan eń uzyn jol - «Ekaterınbýrg - Almaty» tasjoly.
Respýblıka joldarynda 793 arnaıy tehnıka jumys istep júr.
Barlyq suraqtar boıynsha 1403 nómirindegi baılanys ortalyǵyna habarlasýǵa bolady.
«QazAvtoJol» UK« AQ júrgizýshilerge jol erejesin saqtaý, ruqsat etilgen jyldamdyqty asyrmaý, qaýipsiz qashyqtyqty saqtaý qajettiligi týraly eskertedi. Sonymen qatar, saparǵa tek qysqy dóńgelektermen shyǵýǵa keńes beredi.
