Elimizde sary maı óndirisi tómendep, shetelden ákelinetin maı 50% artqan
ASTANA. QazAqparat - Qazaqstanda sary maı óndirý kólemi 2022 jyldyń qańtar-jeltoqsanynda 2021 jyldyń tıisti kezeńimen salystyrǵanda 8,3% tómendedi. Osylaısha, osy ýaqyt ishinde qazaqstandyq kásiporyndar 24,8 myń tonna ónim shyǵardy, al 2021 jyly 27,1 myń tonna sary maı óndirilgen edi, dep habarlaıdy QazAqparat.
Ulttyq statbıýro málimetinshe, eksport ta 16,7%-ǵa tómendegen.
Ótken jyldyń 12 aıynda shetelge 3,8 myń tonna maı jiberildi, al 2021 jyly 4,5 myń tonna eksportqa shyǵaryldy.
Óz kezeginde ımport 49,2%-ǵa ósken, 2022 jyly 7,8 myń tonnadan astam ónim ımporttaldy. Syrttan ákelinetin ónimniń úles salmaǵy 23,9% qurady.
2022 jyldyń 12 aıynyń qorytyndysy boıynsha ishki naryqta 28,8 myń tonna sary maı satyldy.
