Elimizde pııaz baǵasy qymbattaı ma

ASTANA. QazAqparat – QR Premer-Mınıstriniń orynbasary Serik Jumanǵarın elimizdegi pııaz óndirisine qatysty túsinik berdi, dep habarlaıdy QazAqparat tilshisi.

«Qazir pııaz joǵary suranysqa ıe taýarǵa aınaldy. Sebebi pııazben aınalysatyn Ózbekstan, Pákistan, Reseı Federatsııasynda óndiris joq. Qazir Máskeý sórelerinde pııaz baǵasy 500 teńgege jetse, Ózbekstanda 350 teńge turady. Al bizde baǵa 170 teńgege deıin ósti. Elimizde pııaz tapshylyǵyna jol berilmeıdi. Sondyqtan da syrtqy saýda boıynsha vedomstvoaralyq komıssııa úsh aıǵa pııaz eksportyna tyıym salý týraly sheshim qabyldady», - Serik Jumanǵarın Úkimet otyrysynan keıin tilshilerdiń saýalyna jaýap bere turyp.

Onyń aıtýynsha, qazaqstandyqtardyń tutynýyna aı saıyn 30 myń tonna pııaz qajet.

«Qazaqstannyń shekara qyzmeti, memlekettik kirister komıtetiniń basshylyǵymen tikeleı sóılestim. Tutynýshylardy qajetti pııaz kólemimen qamtamasyz etý jaǵdaıy baqylaýda», - deıdi ol.

Sondaı-aq, Serik Jumanǵarın BAQ ókilderiniń pııaz baǵasy qymbattaı ma degen saýalyna: «Belgili bir somada ósimdi kútý kerek shyǵar. Men boljam jasaı almaımyn, bul suraq óte sýbektıvti», - dep qysqa qaıyrdy Úkimet basshysynyń orynbasary.

Eske salsaq, elimizde pııaz eksporty úsh aıǵa toqtatyldy.