Elimizde otbasynyń tsıfrlyq kartasy engiziledi

ASTANA. QazAqparat – Elimizde ár otbasynyń jeke tsıfrlyq kartasy bolady. Onda belgilengen kórsetkishter negizinde otbasynyń áleýmettik jaǵdaıy anyqtalyp, memlekettik qoldaý kórsetiledi. Bul týraly QR Eńbek jáne halyqty áleýmettik qorǵaý vıtse-mınıstri Erbol Ospanov málim etti, dep habarlaıdy QazAqparat tilshisi.

«Biz pılottyq rejımde otbasynyń tsıfrlyq kartasyn engizdik. ıAǵnı, elimizde ár otbasynyń kartasy jasalyp jatyr. Tsıfrlyq kartany jasaýda 5 baǵyt negizge alynady. Ol otbasynyń ekonomıkalyq jáne áleýmettik jaǵdaıy, densaýlyq, bilim jáne baspanamen qamtylýy. Atalǵan 5 baǵyttyń negizinde otbasynyń portreti jasalyp, qandaı sanatqa jatatyny anyqtalady. Demek ál-aýqaty ońtaıly, qanaǵattanarlyq, osal, daǵdarys jaǵdaıyndaǵy jáne shuǵyl kómek kerek otbasy bolyp bólinedi. Osy jerde daǵdarys jaǵdaıyndaǵy jáne shuǵyl kómek kerek otbasyǵa memleket tarapynan qandaı qoldaý qarastyrylǵanyn júıe avtomatty túrde anyqtaıdy», - dedi Erbol Ospanov Astanada ótip jatqan adam jáne ǵalamsharǵa arnalǵan tsıfrlyq sheshimder taqyrybyndaǵy konferentsııada.

Atalǵan jobany QR Tsıfrlyq damý, ınnovatsııalar jáne aeroǵarysh ónerkásibi mınıstrligi men BUU Damý baǵdarlamasy birlesip júzege asyp jatyr.

«Otbasynyń tsıfrlyq kartasyn engizýdi bıyl qyrkúıekte qolǵa aldyq. Osy kúnge deıin shamamen 20 myń otbasy memlekettik qoldaýǵa ıe boldy. Atalǵan qyzmetti iske qosý arqyly anyqtalǵan jaǵdaı kóp azamat memleket tarapynan qandaı qoldaý-kómektiń baryn bilmeıtin bolyp shyqty. Osy oraıda jańa jyldan bastap tsıfrlyq karta jobasyn keń kólemde engizemiz dep otyrmyz», - deıdi ol.