Elimizde múmkindigi shekteýli 188 myń bala bar

ASTANA. QazAqparat – Elimizde ınklıýzıvti bilim berý júıesiniń aıasy keńeıtildi. ıAǵnı ınklıýzıvti bilim tek múmkindigi shekteýli balalarǵa ǵana qatysty emes. Tolyǵyraq Oqý-aǵartý mınıstrligi arnaıy jáne ınklıýzıvti bilim berýdi damytýdyń ulttyq ǵylymı-praktıkalyq ortalyǵynyń dırektory Áıgerim Kúderınova aıtyp berdi, dep habarlaıdy QazAqparat tilshisi.

«Inklıýzıvti bilim – jalpy bilim berý sapasyn jaqsartýdyń zamanaýı quraly. «Bilim týraly» zańǵa engizilgen ózgeristerge sáıkes erekshe bilim berý qajettilikteri bar balalar sanaty keńeıtildi. Endi olardyń qataryna az qamtylǵan, tolyq emes otbasylardan shyqqan jáne mıgrant otbasylar men qandastardyń balalary jatady. Sonyń ishinde densaýlyq jaǵdaıy boıynsha oqý barysynda qıyndyqtarǵa tap bolǵan balalarda bar», - dedi Áıgerim Kúderınova ortalyq kommýnıkatsııalar qyzmeti alańynda ótken baspasóz máslıhatynda.

Ortalyq basshysynyń aıtýynsha, jalpy sanatqa jatatyn balalardyń ishinde múmkindigi shekteýli balalarǵa jaǵdaı jasaý óte mańyzdy.

«Búginde elimizde 0-18 jas aralyǵynda múmkindigi shekteýli 188 144 bala bar. Onyń ishinde: 0 jastan 3 jasqa deıingi erte jastaǵy – 7719 bala, 3-6 jas aralyǵyndaǵy mektepke deıingi balalar – 47726 bala, 6-16 jastan bastap mektep jasyndaǵy balalar – 117709 bala, 16-18 jas aralyǵyndaǵy jasóspirimder – 14990 quraıdy»,- deıdi ol.

Sondaı-aq, spıker ınklıýzıvti bilim berý júıesin jetildirý baǵytynda keshendi sharalar qabyldanǵanyn aıtyp ótti.