Elimizde áleýmettik jetimderdiń sany ósip keledi

ASTANA. 15 naýryz. QazAqparat - Sońǵy jyldary Qazaqstanda bala týý kórsetkishi ósti. Onymen birge erli-zaıyptylardyń ajyrasý oqıǵalary de jıilep ketti. Osynyń bári elimizde áleýmettik jetimder sanynyń ósýine sebep bolyp otyr.

«Iá, ajyrasýdan keıin, 2-3 balamen qalǵan áıelder olardyń bárin asyraı almaı, balalar úıine nemese ınternattarǵa tapsyrýǵa májbúr bolady. Osy sanattaǵy balalar áleýmettik jetimder bolyp sanalady. Olardy memleket asyraıdy, biraq san alýan jeńildikter men járdemaqylardy tólemeıdi. Kámelet jasqa jetken kezde, olarǵa eshkim de kómek bermeıdi», - deıdi «Aman-saýlyq» qoǵamdyq qorynyń prezıdenti Baqyt Túmenova.

«Ulaǵatty januıa» qoǵamdyq qorynyń basshysy Marıanna Gýrınanyń habarlaýynsha, búginde Almaty qalasynda áleýmettik jaǵynan az qamtylǵan otbasylarǵa arnalǵan 2 ınternat bar. Onyń ekeýi de lyq toly. «Bul elimizdegi áleýmettik jetimder sanynyń ósip jatqandyǵyn taǵy bir márte dáleldese kerek», - deıdi ol.