Eldiń halyqaralyq rezervteri 7,7 paıyzǵa ósti
ALMATY. 14 aqpan. QazAqparat - Qańtarda Ulttyq qordyń shetel valıýtasyndaǵy aktıvterin qosqanda eldiń halyqaralyq rezervteri 78,7 mıllıard dollarǵa nemese 7,7 paıyzǵa ulǵaıdy.
Bul jaıly Ulttyq bank Basqarma tóraǵasy Grıgorıı Marchenkonyń búgin Almatyda ótkizgen baspasóz máslıhatynda aıtyldy.
Ulttyq banktiń jalpy halyqaralyq rezervteri qańtarda 13,1 paıyzǵa nemese 33,2 mıllıard dollarǵa deıin ósti. Taza halyqaralyq rezervteri 15,2 paıyzǵa, taza valıýta qorlary 14,3 paıyzǵa artty. Al altyndaǵy aktıvter júrgizilgen operatsııalar jáne álemdik naryqtarda onyń baǵasynyń ósýi nátıjesinde 20,6 paıyzǵa ulǵaıdy.
Aqsha bazasy 19,3 paıyzǵa, tar aqsha bazasy 15,6 paıyzǵa keńeıdi. Jeltoqsanda aqsha massasy 1,5 paıyzǵa ósti. Aınalystaǵy qolma-qol aqsha kólemi 10,6 paıyzǵa, bank júıesindegi depozıtter 0,2 paıyzǵa artty. Aınalystaǵy qolma-qol aqshanyń depozıtter kóleminiń ósýimen salystyrǵanda údemeli ósý qarqyny aqsha massasynyń qurylymyndaǵy depozıtter úlesiniń qarashadaǵy 87,1-den 86 paıyzǵa deıin tómendeýine sebepshi boldy.
