Eldegi júk aınalymy 13,6% ósti

ASTANA. KAZINFORM – Júk tasymalynyń kólemi 2025 jylǵy qańtar-mamyr aılarynda 455,9 mln tonna júkti qurady, bul 2024 jylǵy uqsas kezeńdegi deńgeıden 11,9% artyq. Júk aınalymy da 13,6% ósip, 229,4 mlrd t-km jetti. Bul týraly Ulttyq statıstıka bıýrosy habarlady. 

Óńirlik bóliniste 2025 jylǵy qańtar-mamyr aılarynda júk aınalymynyń ulǵaıýy Astana (21,9%), Almaty (5,5%) qalalarynda jáne Atyraý (41,0%), Jetisý (38,5%), Mańǵystaý (26,9%) oblystarynda baıqaldy.

Temirjol kóligimen bıylǵy 6 aıda 185,5 mln tonna júk tasymaldandy, bul ótken jylmen salystyrǵanda 14,1% artyq. Osy sektordaǵy júk aınalymy 138,8 mlrd tkm boldy.

Avtomobıl kóligi de oń dınamıkany kórsetti: júk tasymaldaý 2024 jyldyń sáıkes kezeńimen salystyrǵanda 2,3%, júk aınalymy 44,6% ósken.

Qubyrjoly kóligimen 2025 jylǵy qańtar-mamyr aılarynda 142,9 mln tonna júk tasymaldandy, bul ótken jylmen salystyrǵanda 18,2% artyq. Osy segmenttegi júk aınalymy 16,2% artyp, 71,8 mlrd t-km boldy.

Áýe kóligimen 11,4 myń tonna júk tasymaldandy, ótken jylmen salystyrǵanda ósim 12,2%. mundaǵy júk aınalymy 11,9% artyp, 26,2 mln tkm boldy.

Teńiz kóligimen júk tasymaldaý kólemi 43,9% artyp, 1,6 mln tonnany qurady. Teńiz sektoryndaǵy júk aınalymy 14,7% ósip, 747,9 mln t-km boldy.

Aıta ketelik kólik-logıstıkalyq ınfraqurylymdy damytýǵa $35 mlrd ınvestıtsııalandy.