Elde jol-qurylys maýsymy bastaldy

ASTANA. KAZINFORM – Qazaqstanda kezekti jol-qurylys maýsymybastaldy. Respýblıkalyq mańyzy bar avtomobıl joldarynyń ortasha jáne kúrdeli jóndeý jumystary qolǵa alyndy. 

Qazirgi ýaqytta jol jumystary belsendi túrde eldiń ońtústik jáne batys óńirlerinde júrgizilýde. Soltústik oblystarda jobalardy iske asyrý aýaraıy jaǵdaılary turaqtalǵannan keıin bastalady. Qazirgi kezeńde bul óńirlerde qurylys maýsymyna daıyndyq, onyń ishinde qajetti materıaldardy daıyndaý, sondaı-aq tehnıka men personaldy mobılızatsııalaý jumystary istelip jatyr.

2026 jyly Memleket basshysynyń bastamasymen respýblıkalyq mańyzy bar joldardy ortasha jóndeý boıynsha aýqymdy jobaiske asyrylyp, jalpy 122 nysan qamtylady. Onyń 73-i 2025 jyldan ótpeli nysandar bolsa, taǵy 49-y — jańa jobalar.

Ortasha jóndeý baǵyttary eldiń negizgi kólikdálizderin qamtıdy, sonyń ishinde Jezqazǵan — Petropavl, Almaty — Shelek — Qorǵas, Atyraý — Oral, Astana — Ereımentaý — Shiderti jáne basqada óńirlerdi ózara ári kórshiles eldermen baılanystyratyn baǵyttar bar.

Sonymen qatar kúrdeli jóndeý jumystary qatar júrgizilýde: 2026 jyly 25 nysandaǵy jumystardy aıaqtaý josparlanǵan, onyń 20-sy ótken jyldan aýysyp kele jatqan nysandar. Barlyq nysan boıynsha merdiger uıymdar anyqtalǵan.

Aıta ketelik Aqtóbede jol jóndeý jumystaryna bıyl 70 mlrd teńgeden astam qarjy jumsalady.